آذربایجان باشین ساغ اولسون - ائل اوغلو

آذربایجان باشین ساغ اولسون - ائل اوغلو

1384ده زنگان شهرینده پینار یایین ائوی یئنی ایشه باشلامیشدی ،اویرنجیلر سئوینجکله یایین ائوینه گلیب کیتاب آلیب و دوشونجه پایلاشیردیلار و منده بونا گؤره چوخ موتلو اولوردوم چون کی اؤزومو ائله یئنی دن او دانشگاهین اویرنجیلریندن و چالیشمالاریندا حیس ائدیردیم .

بیر گون ناهار چاغی اوشاقلار شهریار نشریه سینی تایپ ائله مک اوچون دفتره گلدیلر.

بیر مهربان خانم اویرنجی له تانیش اولدوم دانیشاندا محبتلی سؤزلری ...آدامین ایچینه باتیردی سانکی ایللر بویو بو اویرنجی ایله برابر چالیشمیشدیق . پینار دوستوم ایدی دئدی خانم جعفری دوستوموز شهریار نشریه سینین باش مودورو «مینا کهربائی» دیر

اونو سئویندیکدن باغریما باسدیم و باشقا بیر جور صمیمیت حیس ائله دیم و بیر پارا تاپشیریقلاری و فیکیر یاردیملاریمی وئرندن سونرا اونلاری میزین باشینا دعوت ائله دیم . داها او گوندن بری مینا خانیم و دوستلاری هر گوندمندن ده اولماسا پینارا باش ووراردیلار آخیر ترمینین سونوایدی آداخلانمیشدی و ائولنمکه حاضیرلانیردی

مندن سؤز آلمیشدی ایشتراک ائدم من دئدیم قیز هئچ من بئیی گؤرمه میشم کی

دئدی : اتفاقا بو گون گله جک زنگانا پینارا گتیره جه یم

آخشام اوستو گؤدوم مینا گوله گوله بیر بئی له دفتره گیردیلر دئمه میش تانیدیم آداخلیسیدیر تبریکلر و سونرا شیرنینی آچدیق باشقا دوستلار دا گلدی

نه قده ر سئوینیردی قیز و بیزده اونون سئوینجینده شریک اولموشدوق

توی گونو گلدی یئتیشدی آما اماکن منی دفتری باغلاییب زنگاندان ائشیگه چیخماقی قده غن ائتدی و بیر پارا اعلامیه نین یاییلماسین بهانه ائله دیلر اوره گیم ائله اوردا قالمیشدی آما اوشاقلار گلدی و اؤزلری اولانلاری تعریفله دیلر منه .

من زنگاندان کوچدوم و اونلار درسلرین توکه دیب اؤز یاشاماقلارینا گئتدیلر

ایللر بویو گئشدی تاسف لر کی منیم چتین و مسئولیتلی ایشیم دوستلاردان

خبرسیز ساخلادی منی

تئلفونوم چالدی بیر ن=میساژ گلمیش

کاش هئچ واخت آچمییایدیم

اوره ییم ایچیمه دوشدو

ابراهیم جعفرزاده و مینا خانیم و بالاجا قیزلاری آیلانین یاس تؤره نی نه دعوت اولموشدوم

گوی باشیما اوشدو آی آلله کاش یالان اولسون دئییردیم باجیم منی اوودماغا چالیشیردی

اولان اولموشدو آرتیق

منیم عزیز و مهربان دوستوم تانرییا قووشموشدو

ایچریم اود دوتوب یانیردی

تانری گؤللرین گؤزلینی سئچیر

یولون داواملی اولسون .

آذربایجان قوربانی اولماق سعادت دیر

باشین ساغ اولسون آذربایجان

http://tarla-roshan.blogfa.com