آزربایجان وار اولسون ایسته میین کور اولسون
آنا دیلی هر میللتین گوجودورآزربایجان وار اولسون ایسته میین کور اولسون
آنا دیلی هر میللتین گوجودورایبراهیم جعفرزاده`نین یئتیردییی میللتچی نسل - اکبرپاشایی
آذربایجان میللی حرکیتی`نین یئنی دؤور گلیشمه سوره‌جینده میللی شعور و میللی ویجدانین اویانماسی، ” تورک میلله‌تی” ، “تورک دیلی” آدلارینین دئولت سوییه‌سینه قالخماسی، ٱذربایجان تاریخینین؛ کولتورونون اؤیره‌نیلمه‌سی تمل اساسلار اولموشلار.یانی میللتچیلیک تمامن نورمال و اولوملو بیر دوشونجه طرزی اولاراق قبول ائدیلمکده‌دیر.
میللی حرکتده بو دوشونجه‌لرین آدلیم تمثیلچیلریندن بیری ده ابراهیم جعفرزاده اولموشدور.اونون ان اؤنملی اؤزه‌للیکلریندن بیری ساییلان همن دوشونجه طرزینی بوتون اجتماعی-سیاسی ساحه‌لرده گرچکلشدیرمه‌یه چالیشماسی ایدی. میللی چالیشماسینی اؤزه‌تله گؤزده‌ن کئچیرنده مجلیس سئچگیلرینده میللی ایستکلریمیزی گونده‌مه گتیرمک، بابک قالاسی توپلانتیلارینا قاتیلماق، آذربایجان کیملیگینی ساوونا بیلن بیر درنه‌یین قورجوسو، 1385-جی خورداد قیاملارینا قهرمانجاسینا قاتیلیب جسارت سیمگه سی اولاراق میللی حرکته سونولماسی هابئله خوی شهرینده توپلومون بوتون کسیملریله ایلگیلندیکجه میللی دوشونجه‌نی اونلارا آشیلاماق قاباریق شکیلده یئر توتور.دفعه‌لرجه توتوقلانیب زیندانا محکوم اولما حکملرینده بیر ایلگینج نوکته وار.1385 ایلی ایسفند آیینین 2-جی گونو دونیالیق آنا دیلی گونو موناسیبه‌تیله توتوقلاناندان سونرا بیر ایل زینداندان علاوه، بیر ایل برازجان شهرینده سورگون یاشاماق و 3 ایل مجلیس سئچگیرینه آدایلانما هابئله بوتون ایجتیماعی چالیشمالارینا او جومله‌دن هر بیر درنه‌نیین قوروجوسو اولابیلمه ایمکانیندان محروم ائدیلدی.
بونون سببینی ایبراهیم`ین جیددی ائییتیم چالیشما نتیجه‌سینده آذربایجان میللی حرکتینه یئنی بیر نسلین مئیدانا گتیرمه‌سینده آختارماق اولار. بو اوزدن اورین درنه‌یی خوی و گنلده آذربایجان میللی حرکتی اوچون بؤیوک قازانجلار الده ائتدی.
آدینی همه‌شه سونسوز سایغیلارلا دیلله‌رینه گتیرن بوتون خویلو دوسلاریمیز اونو اؤزه‌ل بیر دویغو، سئوگی و محببتله یاد ائدردیلر.داها دوغروسو اونون وارولماسی همن دوسلاریمیزا، میللی اویانیشین گئدیشی خوی شهرینده دایانمایاجاق آرخایینلیغینی باغیشلامیشدی.
ایبراهیم`ی سئویملی عاییله‌سیله بیرلیکده توپراغا تاپشیراندان سونرا حسن آغا دمیرچی ” آذربایجانچیلیق فیکرینی یایماغا بیرینجی شرط صداقت، دوزلوک و دوزوملو اولماقدیرو من بو کیشینی 10 ایل مودده‌تینده تانیدیغیمدا، اونو هر زامان میلله‌تیمیزین میللی و اینسانی حاقلارینی مودافیعه ائدن بیریسی گؤردوم”. دئدی.
ایبراهیم ساوالان اونو “وطنینی، میلله‌تینی قورویان ، آذربایجان سرداری” آدلاندیردی
” اولوشدوردوغو میللتچی نسلین اوندان داها آرتیق اؤیرنمه ایمکانیندان محروم اولدوقلارینی” یاخین دوستو عطا عباسزاده سؤیله دی…
سارسیتمایایاجاق قلبیمی زنجیر ایله محنت
چونکی حرکتله ابدیلیک دولوب آرتیق. پرفسور زهتابی
