آزربایجان وار اولسون ایسته میین کور اولسون
آنا دیلی هر میللتین گوجودورآزربایجان وار اولسون ایسته میین کور اولسون
آنا دیلی هر میللتین گوجودورباغیشلاما بیزی وطن
اونوتدوق تاریخی اؤتن زامانی اونودوروق تورپاغا تؤکولن قانی
اونودوروق فرقینی یاخشی یامانین باغیشلاما بیزی وطن
گؤرسه کده کؤکسونه باتان قیلینجی باشیمیز آلتینا قویدوق بالینجی
دوغراندین بؤلوندون خینجین خینجین باغیشلاما بیزی وطن
ایشیمیز پئشه میز اوُلدو آه و زار فریاد سسیمیزدن فلکده بئزار
اؤلمه میش سنین اؤچون قازدیق مزار باغیشلاما بیزی وطن
آلداتدی دئولری چوُخ بیلمیش جیرتدان آییرا بیلمه دیک قوزونو قورتدان
هامی جاندان کئچدی بیزیسه یورتدان باغیشلاما بیزی وطن
یاغییا یئدیتدیک گؤزون یاغینی یاندیرا بیلمه دیک کور چیراغینی
قوشلاردان آلیریک سس سوراغینی باغیشلاما بیزی وطن
سنی اسیریکن قویموشوک داغدا جنگاور روحوموز هاردادیر هاردا
قوینونا گلمه دیک اوف بو باهاردا باغیشلامابیزی وطن
گؤنش ایچیمیزده ایلیییب غوروب سرحدسیز صبریمیز ایللری یوُروب
یوللار یئتیم کیمی بوینونو بوروب باغیشلاما بیزی وطن
حسرتدن یانیب او قارا باغریم آغلاماقدان کوُر دور نئچه بولاغین
آخیر یاراسیندان قان قاراباغین باغیشلاما بیزی وطن
قفسه سالیبلار قوش قلبیمیزی دیدیر پئشمانلیق کاش قلبیمیزی
قبیر داش ائله داش قلبیمیزی باغیشلاما بیزی وطن
هله لیک ویجدانلار قویولوب دینجه کؤکسونو ارتورور مغرور اَلینجه
سنین آیاغینا بیز گلمیینجه باغیشلاما بیزی وطن
